Bodrumi i Xhamisë Qendrore “Isa Beg” në Mitrovicë dje ishte i vërshuar tërësisht nga niveli i madh i ujit që kaploi tërë qytetin.
E në ndihmë ndaj xhamisë doli firma mitrovicase “12 Vëllezërit” e cila e pastroi vullnetarisht tërë bodrumin e xhamisë, duke i larguar ujërat që kishin depërtuar thellë në objekt, shkruan “Mitropol”.
Veç objektit të xhamisë, firma nga Kçiqi po u ndihmon për ‘këndellje’ nga vërshimet edhe banorëve nga Broboniqi e Koshtova, si dhe po ndihmon në largimin e ujit edhe nga objekti i Omni Sportit.
Në ndihmë qytetarëve dje u kanë dalë edhe shumë firma tjera lokale./Mitropol/
