Policia gjobit shoferin e autobusit nga Mitrovica, u ndal për të marrë udhëtarë jashtë stacionit

Një ndalim i papritur në rrugën kryesore mes Prishtinës dhe Mitrovicës ka sjellë në qendër të vëmendjes një shofer autobusi i cili, përkundër rregullave në fuqi, ndaloi për të marrë pasagjerë në një hapësirë që nuk ishte e destinuar si stacion ndalese.

Ngjarja ndodhi gjatë mesditës së sotme, në rrugën magjistrale, ku autobusi i linjës Prishtinë–Mitrovicë ndaloi në mënyrë të papërshtatshme për të marrë udhëtarë. Kjo solli reagimin e menjëhershëm të Policisë së Kosovës, të cilët ishin të pranishëm në zonë dhe e ndaluan automjetin për verifikim dhe ndëshkim të shkeljes.

Në pamjet e siguruara nga brenda autobusit, shihet momenti kur dy policë komunikojnë me shoferin dhe e qortojnë për ndalimin e paautorizuar, i cili përbën rrezik për trafikun dhe udhëtarët.

Policia e Kosovës vazhdon të apelojë që të gjithë shoferët të respektojnë rregullat e trafikut, veçanërisht në linjat ndërurbane ku siguria e pasagjerëve duhet të jetë prioritet i padiskutueshëm.

Ndërkohë, pas disa minutave ndalese dhe plotësimit të dokumentacionit të gjobës, autobusi u lejua të vazhdojë rrugëtimin./Mitropol/