Dje rreth orës 07:20 të mëngjesit, Mitropol raportoi ekskluzivisht për një rast të rëndë vdekjeje në Mitrovicë.
Viktima që u gjet e vdekur nga zjarrëfikësit ishte 63 vjeçarja Ajshe Jashari Nebihu.
Policia e Kosovës sot konfirmoi se e ndjera ra aksidentalisht në lum.
Siç raportoi dje Mitropol, Policia sot konfirmoi se ekipi i zjarrëfikësve viktimën e ka nxjerrë nga lumi pa shenja jete, gjersa nga ekipi mjekësor në vendin e ngjarjes është konstatuar vdekja e saj.
E ndjera do varroset sot me namazin e Ikindisë në ora 16:46 në varrezat e Prekazit të Epërm.
Raporti i plotë policor:
Mitrovicë 22.06.2023 – 07:26. Është raportuar se viktima femër kosovare dyshohet se aksidentalisht ka rënë në lumin Ibër. Ekipi i zjarrfikësve viktimën e ka nxjerrë nga lumi pa shenja jete, nga ekipi mjekësor në vendin e ngjarjes është konstatuar vdekja e saj. Me vendim të prokurorit trupi i pajetë është dërguar në IML për Obduksion.
