Premium Store
KOSOVËLAJME

Posta e Kosovës me degë të re në Banjskë të Zveçanit, pritet të hapet edhe në tri komunat tjera veriore

Posta e Kosovës ka vazhduar shtrirjen e saj edhe në katër komunat veriore. Së fundmi, një degë e saj është hapur në kompleksin Rajska Banja në Banjskë të Zveçanit, ku qytetarët serbë po i kryejnë shërbimet komunale. Teksa deri në fund të vitit, degë të tjera pritet të hapen edhe në tri komunat tjera veriore.

Për t’i kryer pagesat komunale, tani e kanë më të lehtë.

Krejt kjo pas hapjes së Postës së Kosovës në veri.

Active 1

Pas nëntë muajsh nga sulmi paraushtarak serb në Banjskë të Zveçanit, kjo postë  është hapur në një pjesë të këtij kompleksi, i cili pas privatizimit të AKP-së, u dha me qera për Ministrinë e Punëve të Brendshme.

Kryesindikalisti i punëtorëve të Postës, Bujar Shala konfirmoi për Tëvë1 se në këtë pikë, punon tashmë një zyrtar i nacionalitetit serb, ndërsa theksoi se pika të tilla do të hapen edhe në tri komunat tjera.

“Posta e ka obligim ligjor që të shtrihet në të gjithë territorin e Republikës së Kosovës, tash e mbi një muaj është hapur në Banjskë është punëtor i Postës është i nacionaliteti serb që punon aty. Po kryhen shërbimet normal po pritet mirë nga qytetarët. 01:56  Të gjitha pagesat, kryhen përmes Postës së Kosovës, janë ato të ujit, higjienës, tatimit doganave, të gjitha shërbimet. 00:25 ne kemi edhe në Leposaviq, Zveçan, kemi katër pesë pika, kemi punëtorë të komuniteti serb”, tha Shala.

E krejt kjo po bëhet pas aksionit të fundit të Policisë së Kosovës për të larguar postën e Serbisë në katër komunat veriore.

“Largimi i postës së Serbisë ka ndodh, ata i kanë për check point në kufijtë e vet, edhe qaty i kryjnë shërbimet edhe po kthehen qytetarët, përmes valutës që dinari nuk do të ekzsiton deri në fund të vitit, Posta e Kosovës do të jetë relevante për me u kry shërbimet për qytetarët”, tha kryesuesi i Kuvendit Komunal në Mitrovicën Veriore, Nexhat Ugljanin.

Teksa vlerësohet se është mese e nevojshme që qytetarët serbë të kryejnë shërbimet, pas ndalimit të dinarit.

“Posta e Kosovës do të ndërhynë në pjesën veriore, që edhe ndërhyrja në Rajska Banja në komunë të Zveçanit, ne e kemi edhe në kuadër të Komunës, por shtrirja duhet me qenë në qendër të qytetit dhe sigurisht ajo do të ndodh në katër komunat sepse është nevoja për shërbimin e qytetarëve në pjesën veriore sepse nevojat janë të mdhaja”, tha ai.

Muaj më parë, Policia e Kosovës pas një aksioni në katër komunat veriore, ka mbyllur gjashtë objekte financiare serbe, në të cilat dyshohej për veprimtari të kundërligjshme.

Premium Store