Presidenca e Bosnjë-Hercegovinës nuk ka gjetur konsensus për votimin e anëtarësimit të Kosovës në Këshill të Evropës.
Presidenca e Bosnjës mbajti të martën seancë të jashtëzakonshme dhe e vetmja pikë e rendit të ditës ishte qëndrimi i këtij institucionin lidhur me kërkesën e Kosovës për anëtarësim në Këshillin e Evropës.
Denis Beqiroviq, anëtar i Presidencës nga Bosnja votoi pro anëtarësimit të Kosovës, Zheljko Komshiq i Kroacisë abstenoi, ndërsa Zheljka Cvijanoviq e Serbisë ishte kundër.
Javën e kaluar Asambleja Parlamentare e Këshillit të Evropës dha dritën jeshile për anëtarësimin e Kosovës në këtë organizatë.
Përfaqësuesit boshnjakë nuk e mbështetën unanimisht pranimin e Kosovës në Këshillin e Evropës. Branislav Borenivuq dhe Snjezhana Novakoviq votuan pro, ndërsa Sabina Çudiq dhe Sasha Magazinoviq votuan kundër. Një përfaqësues s’ishte i pranishëm.
Mbledhja e Këshillit të Ministrave të Këshillit të Evropës do të mbahet në mes të majit, me shpresë që Kosova do të marrë mbështetjen e mjaftueshme për t’u bërë anëtare e plotë e kësaj organizate.
