Në Qendrën Klinike Universitare të Kosovës sot gjatë ditës ka lindur një foshnje e cila peshon 6.5 kg.
Kjo është bërë e ditur në njoftimin qe ka bërë në rrjetin social Facebook, Shërbimi Spitalor dhe Klinik Universitar i Kosovës.
“Në Qendrën Klinike Universitare të Kosovës u lind një foshnjë me peshë rreth 6.5 kilogramë, që përbën një rast unik në historinë e Klinikës së Gjinekologjisë’’, thuhet në njoftimin e bërë.
Po ashtu në njoftim thuhet se nëna dhe foshnja janë në gjendje të mirë shëndetësorë.
“Pacientja me inicialet I.P. nga Drenasi, e lindur në vitin 1991, që edhe dy lindjet e para i ka kryer me operacion, dhe foshnja janë në gjendje të mirë shëndetësore’’ thuhet tutje në njoftim.
Postimi i plotë:
Rast i rrallë: Në Gjinekologji u lind një foshnjë afër 6.5 kilogramë
Në Qendrën Klinike Universitare të Kosovës u lind një foshnjë me peshë rreth 6.5 kilogramë, që përbën një rast unik në historinë e Klinikës së Gjinekologjisë.
Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion.
Pacientja me inicialet I.P. nga Drenasi, e lindur në vitin 1991, që edhe dy lindjet e para i ka kryer me operacion, dhe foshnja janë në gjendje të mirë shëndetësore.
