REL: Aeroplani me të cilin besohet se ka udhëtuar shefi i CIA-s shihet në Aeroportin e Prishtinës
Radio Evropa e Lirë raporton që, një avion i ushtrisë amerikane, është parë në në Aeroportin Ndërkombëtar të Prishtinës “Adem Jashari”. Me këtë aeroplan besohet se ka udhëtuar shefi i Agjencisë Qendrore amerikane të Inteligjencës (CIA), William Burns.
Ende nuk është konfrimuar nga autoritet e Kosovës nëse Burns do të qëndrojë për vizitë në Kosovë, por ajo që dihet është se avioni i ushtrisë amerikane ka ateruar në Aeroportin e Prishtinë që ishte nisur nga Beogradi.
Sipas REL, me këtë avion besohet se Burns ka udhëtuar nga Sarajeva në Beograd, ku qëndroi për vizitë në këto dy vende.
Ndërkohë, vizita e shefit të CIA-s, William Burns në Bosnje e Hercegovinë si dhe në Serbi, ka prodhuar interpretime të ndryshme mbi atë se çka do të sjellë kjo vizitë e tij në rajon.
Për profesorin e filozofisë dhe analistin kosovar, Blerim Latifi, kjo vizitë është një mesazh për Serbinë dhe një ndër vizitat më të rëndësishme amerikane në rajon.
Ai ka thënë se vizita e tij në Serbisë, do të thotë se SHBA ka identifikuar se serbët janë rreziku kryesor për destabilizimin e Ballkanit.
Ndërsa, Ish-kryenegociatorja e Kosovës për bisedimet me Serbinë, Edita Tahiri, ka komentuar vizitën e shefit të CIA-s, Williams Burns, në rajon.
Ajo ka bërë me dije se kjo vizitë ka dy porosi dhe një nga to ka të bëjë për Kosovën.
Ndërkaq, Margarita Assenova, bashkëpunëtore e lartë në Fondacionin Jamestoën në Uashington, i ka thënë Radios Evropa e Lirë se “ka kohë që po shkakton probleme në Bosnje e Hercegovinë” dhe se kjo është bërë “më e dukshme dhe më e rrezikshme”.
Ajo theksoi se vizita e shefit të CIA-s, William Burns i dërgon një mesazh të qartë Serbisë: “Shtetet e Bashkuara nuk do të tolerojnë veprimet e saj.”
“Vizita e Burnsit është një mesazh shumë i mirë për Serbinë se Shtetet e Bashkuara nuk do t’i tolerojnë veprimet e saj.” – ka thënë Assenova.
