Një punëtor i Radio Televizionit të Kosovës (RTK) është arrestuar pasi dyshohet se e ka sulmuar fizikisht një kamarier në bufenë e RTK-së. Pas rastit, Televizioni ia ka shkëputur kontratën.
Në raportin 24 orësh të Policisë, thuhet se rasti ka ndodhur mbrëmë rreth orës 19:30, ndërsa viktimës i është thyer hunda.
Rasti është iniciuar si “Lëndim i rëndë trupor”.
“Rr. Xhemajli Prishtina, Prishtinë / 13.03.2024 – 19:30. Është arrestuar i dyshuari mashkull/k për shkak se pas një mosmarrëveshje kishte sulmuar fizikisht viktimën mashkull m/k duke i shkaktuar lëndime trupore (frakturë të hundës). Viktima është dërguar për trajtim mjekësor, ndërsa i dyshuari me vendim të prokurorit është dërguar në mbajtje”, thuhet në njoftim.
