Shkolla “Fazli Greiçevci” është vërshuar nga uji mëngjesin e sotëm në paralelen e saj në Vërnicë të Mitrovicës, njofton “Mitropol”.
Shkolla e cila paralelen kyçe e ka në Shipol nuk i ka njoftuar fare nxënësit për këtë problem, gjersa siç mëson “Mitropol” punonjësit e shkollës menjëherë i janë përvishur punës për ta larguar ujin nga objekti i shkollës, duke u ndihmuar edhe nga punonjësit teknik të paraleles në Shipol.
Arsye për vërshimin nga uji ishte shiu i mbrëmshëm i cili ra vrullshëm, por shkolla u vërshua për faktin se niveli i saj ndodhet nën nivelin e asfaltit.
Shkolla gjatë viteve është përballur edhe me telashe të tjera, si mungesa e stafit, përleshjet e nxënësve brenda objektit shkollor, mungesa e ngrohjes gjatë dimrit e shumë probleme të ngjashme.
Mësimi në shkollën e Vërnicës tashmë ka filluar dhe po vazhdon normalisht./Mitropol/
