“Inshallah Zoti na bashkon në botën tjetër”, postimi prekës i Laurent Krasniqit për babain e ndjerë, pak muaj para se aksidentiti t’ia marrë jetën

Më 17 qershor të këtij viti, Laurent Krasniqi kishte bërë një postim prekës për babain e tij të ndjerë, pikërisht në ditën kur ai do të festonte 60-vjetorin e lindjes.

Në fotografi, babai i Laurentit shfaqej pranë një motociklete, ndërsa i biri kishte zgjedhur ta kujtonte me disa fjalë të ndjera.

“Bab, ta hangsha zemrën, 60 vjet sot. Na mungon çdo moment mu, mamit Xhenetës edhe Xheraldinës. Inshallah Zoti na bashkon në botën tjetër”, kishte shkruar Laurenti në postimin e tij.

Babai i tij kishte vdekur vite më parë, ndërsa postimi ishte një kujtim i veçantë në ditën e ditëlindjes së tij.

Por, vetëm pak muaj pas këtij shkrimi, Laurent Krasniqi u përfshi në një aksident tragjik me motocikletë dhe humbi jetën.