Mitrovica edhe këtë sezon të të ftohtit po përballet me mungesë të energjisë elektrike.
Gazetari korrespodent i “Ora Shtatë”, Urall Boshnjaku bëri të ditur se fshati Kçiq i Vogël ka plot tre javë që ballafaqohet me reduktime të shpeshta të rrymës.
Sipas tij, ekipet e KEDS-it kanë dalë në vendin e ngjarjes, por pas rregullimit, siç thotë Boshnjaku, problemi është rikthyer menjëherë.
“Banorët detyrohen të paguajnë rrymën, ani pse nuk po marrin një shërbim të tillë”, u shpreh gazetari.
