Dy të mitura dyshohet se janë sulmuar fizikisht nga një shtetas serb në Leposaviq, shkruan Mitropol.
Sipas raportit policor, ngjarja ka ndodhur më 22 maj, rreth orës 23:35, ku një person shtetas i Serbisë, dyshohet se ka sulmuar fizikisht dy të mitura.
Pas incidentit, i dyshuari është larguar nga vendi i ngjarjes në drejtim të panjohur, ndërsa viktimat nuk kanë kërkuar trajtim mjekësor.
Policia ka bërë të ditur se rasti është duke u hetuar dhe se po ndërmerren veprimet e nevojshme për identifikimin dhe lokalizimin e të dyshuarit.
