Mbrëmë pak para mesnatës është dëgjuar një shpërthim në Mitrovicën e Veriut, shkruan Mitropol.
Siç e konfirmoi për “Mitropol” zëvendësdrejtori i Drejtorisë Rajonale të Policisë së Kosovës për veriun, Veton Elshani, shpërthimi ka ardhur si pasojë e hedhjes së një granate dore.
“Dëmet janë minimale dhe nuk ka të lënduar”, tha Elshani për Mitropol.
Shkaqet për hedhjen e granatës nuk dihen dhe rasti është duke u hetuar.
