Storie suksesi: Enes Kryeziu, studenti kosovar që po ia zbardhë fytyrën shtetit të Kosovës në Turqi

Enes Kryeziu është emri i studentit nga Prizreni i cili po ia zbardhë fytyrën shtetit të Kosovës me arritjet e tij në shtetin turk, shkruan Mitropol.

Ai aktualisht ka pozitën e zëvendëskryetarit në Rrjetin Rinor Ballkanik në Turqi si dhe është anëtar i bordit në Shoqatën e Liderëve të Rinj.

Ai po i kryen studimet në Universitetin “Hacı Bayram Veli” të Ankarasë, në Fakultetin e Shkencave Ekonomike dhe Administrative, Departamenti i Marrëdhënieve Ndërkombëtare.

Ai kreu edhe një kurs për shkrimin bindës dhe artin e të folurit publik të mbajtur nga Universiteti i Harvardit.

Ai flet rrjedhshëm gjuhën shqipe, turke dhe atë angleze.

Kryeziu punon me pasion të pashoq, vendosmëri dhe këmbëngulje për të arritur qëllimet e tij dhe për ta promovuar shtetin e tij sa më mirë në të gjitha organizimet ku ai është pjesëmarrës./Mitropol/