Medi
LAJME

Sulmi në Ibër-Lepenc, njëri nga të dyshuarit del para gjykatës

Njëri nga të dyshuarit në lidhje me shpërthimin në kanalin e Ibër-Lepencit, ka dalë sot para Gjykatës Themelore në Prishtinë.

Lajmin e ka konfirmuar Mirlinda Gashi, zëdhënësja e Gjykatës Themelore.

Medi

Ajo tha se seanca ka përfunduar pak minuta më herët, dhe se pritet që të merret aktvendimi mbi kërkesën e prokurorisë që ndaj të pandehurit të caktohet masa e paraburgimit.

Ndryshe, në mbrëmjen e 29 nëntorit, në fshatin Varragë të komunës së Zubin Potokut, në veri të vendit, ka ndodhur një shpërthim që ka dëmtuar kanalin e ujit të Ibër-Lepencit.

Nuk pati viktima, por kanali ka pësuar dëme, kurse banorë nga Mitrovica nuk kanë pasur ujë për gati 24 orë pas shpërthimit.

Pas riparimit të përkohshëm, furnizimi me ujë është rikthyer.

Kanali Ibër-Lepenc furnizon me ujë nga Liqeni i Ujmanit disa qytete të vendit, si dhe Korporatën Energjetike të Kosovës për ftohjen e termoelektranave të saj.

Koha