Këtë fundjavë zhvillohet xhiroja e 3-të në ProCredit Superligën e Kosovës në basketboll, me disa përballje interesante që pritet të ofrojnë spektakël dhe rivalitet të lartë në parket.
Derbi kryesor i javës zhvillohet në “Minatori”, ku përballen kampioni në fuqi Trepça dhe Bashkimi. Të dyja skuadrat vijnë nga humbje në FIBA Europe Cup, por në Superligë Bashkimi ka dy fitore nga dy ndeshje, ndërsa Trepça ka regjistruar një fitore dhe një humbje. Një duel klasik që gjithmonë sjell emocione të veçanta për adhuruesit e basketbollit vendor.
