Ministri i Punëve të Brendshme, Xhelal Sveçla, ka bërë të ditur se ka vizituar tre policët që po trajtohen në QKUK, pas aksidentit me autoblindë në veri.
Ai ka njoftuar se gjendje e tyre shëndetësore po përmirësohet, ndërsa bëri të ditur se vizitën e ka bërë bashkë me ministrin e Shëndëtësisë, Arben Vitia.
“Shkaqet e aksidentit po hetohen por jam shumë i lumtur që djemtë tanë janë jashtë rrezikut për jetë”, ka shkruar Sveçla në Facebook.
Mes tjerash, ai ka thënë se mjekët që po përkujdesen për rikuperimin e policëve të lënduar, po I trajtojnë ata me kujdesin më të lartë.
