Të dhënat nga Ministria e Shëndetësisë: Mbi 100 fëmijë të infektuar me virus në 24 orët e fundit

Ministria e Shëndetësisë ka publikuar të dhënat dhe statistikat mbi infektimin e qytetarëve të Kosovës me virusin Covid-19, shkruan Mitropol.

Në bazë të këtyre statistikave, ajo çka bie në sy është fakti se brenda 24 orëve me koronavirus janë infektuar mbi 100 fëmijë në Kosovë.

Në kuadër të këtyre të dhënave, MSH bënë të ditur se 33 prej tyre i takojnë grupmoshës 0-9 vjeç, 112 grupmoshës 10-19 vjeç, gjë që ndikon që numri i fëmijëve të infektuar me koronavirus të jetë mjaftë i madh.

Gjatë 24 orëve MSH ka njoftuar se 21 persona kanë vdekur, prej të cilëve 3 persona janë nën moshën 50 vjeçare, ndërsa nga këta 3 persona një i vdekur i takon moshës 20-29 vjeç. /Mitropol/