TORCIDA viziton KB Trepçën në training, kapiteni Haxhiu u premton angazhim dhe përgjegjësi nga lojtarët

KB Trepça nuk po kalon në momentet më të mira në basketbollin kosovar, shkruan Mitropol.

Përkundër investimeve “Minatorët” po e kanë problem të arrijnë në rezultate pozitive.

Një gjë e tillë ka ndikuar që në klubin mitrovicas të ketë ndryshime edhe në shtabin teknik.

Sonte lojtarët e KB Trepça kanë pasur në vizitë tifogrupin e tyre “Torcida”.

Në këtë takim, kapiteni i klubit, Valdrin Haxhiu u ka premtuar torcidashëve se secili lojtarë do të angazhohet dhe do të marrë përgjegjësi për ndeshjet e klubit mitrovicas.

Trepça në vikend nën urdhërat e Ilir Selmanit udhëton në Pejë ku do të ballafaqohet me KB Pejë . /Mitropol/