Tre raste të dhunës ndaj grave në Vushtrri, arrestohen të dyshuarit

Tre raste të dhunës ndaj grave në 24 orët e fundit janë regjistruar në Vushtrri, shkruan Mitropol.

Policia ka arrestuar tre të dyshuarit ndërsa viktimat kanë pranuar trajtim mjekësor.

“Vushtrri / 03.10.2024 – 08:30. Është raportuar se viktima femër kosovare ka pas një mosmarrëveshje me të dyshuarin mashkull kosovar nga i cili dyshohet se ka pësuar lëndime trupore. Lidhur me rastin viktima ka pranuar tretman mjekësor, ndërsa gjatë kontrollit në shtëpinë e të dyshuarit është gjetur dhe konfiskuar një armë gjuetie. Lidhur me rastin, i dyshuari është arrestuar dhe pas intervistimit me vendim të prokurorit është dërguar në mbajtje.

Vushtrri / 03.10.2024 – 14:30. Është arrestuar i dyshuari kosovar për shkak se pas një mosmarrëveshje dyshohet se ka sulmuar fizikisht viktimën femër kosovare. Viktimës pas trajtimit mjekësor i është lëshuar urdhëri mbrojtës, ndërsa i dyshuari pas intervistimit me vendim të prokurorit është dërguar në mbajtje.

Vushtrri / 03.10.2024 – 20:00. Është arrestuar i dyshuari kosovar për shkak se dyshohet se ka sulmuar fizikisht viktimën femër kosovare. Viktima ka pranuar trajtim mjekësor, ndërsa i dyshuari pas inicimit të rastit në konsultim me prokurorin është dërguar në mbajtje.”, thuhet në raportin e policisë.