Atmosferë elektrizuese pritet këtë të shtunë në stadiumin “Ferki Aliu”, ku do të zhvillohet derbi i zjarrtë i Raiffeisen Ligës së Parë ndërmjet Vushtrrisë dhe Trepçës.
Sipas raportimeve të fundit, rreth 300 tifozë të Trepçës nga “Torcida”, do të udhëtojnë drejt Vushtrrisë për të përkrahur skuadrën e tyre në këtë përballje të rëndësishme.
Ky udhëtim masiv dëshmon për rivalitetin e fortë sportiv dhe pasionin e jashtëzakonshëm që shoqëron çdo duel mes dy skuadrave me traditë në futbollin kosovar.
