Vazhdon aksioni i Policisë në veri, konfiskohen mbi 10 kamionë që u përdorën në barrikada

Policia e Kosovës po vazhdon aksionin e bastisjeve në veri të vendit, mëson “Mitropol” nga burime ekskluzive.

Burimet e gazetës tregojnë se janë kryer disa bastisje.

Siç mëson “Mitropol”, gjatë njërës bastisje Policia e Kosovës ka zbuluar 10 armë të gjata, 6 nga të cilat të llojit kallashnikov.

Veç tyre, Policia e Kosovës ka sekuestruar mbi 10 kamionë në dy lokacione të ndryshme në Zubin Potok. Këta kamionë siç mëson “Mitropol” ishin përdorur si barrikada gjatë trazirave të dhjetorit të vitit 2022 në veri.