Në Vushtrri po vazhdon ndërtimi i rezervuarit të ujit në malin e çyçavicës, në Bequk, rezervuar që do t’i furnizojë me ujë disa fshatra të Vushtrrisë, shkruan Mitropol.
Fshatrat Artakoll, Mihaliq i Epërm dhe Druar, do të jenë fshatrat të cilat do të furnizohen me ujë të pijës nga rezervuari që po ndërtohet në Vushtrri.
E gjatë ditës së sotme punimet e këtij rezervuari i ka përcjellë nga afër edhe kryetari i komunës së Vushtrrisë, Xhafer Tahiri.
Xhafa përmes një postimi në facebook ka njoftuar për vizitën që i ka bërë punimeve për ndërtimin e rezervuarit, e me këtë postim po shpreson ta fitojë ndonjë poen politikë për zgjedhjet komunale të 17 tetorit.
Ndër të tjera Xhafa nuk ka harruar edhe të fotografohet tek vendi i punimeve, duke u mburrur me “projektin e tij” që po financohet nga ana e organizata CDI dhe qeveria zvicrane. /Mitropol/
