“Mitropol” mbrëmë raportoi ekskluzivisht për një aksident të rëndë trafiku që kishte ndodhur rreth orës 18:00 mes tri veturave në magjistralen Prishtinë-Mitrovicë, saktësisht në Vushtrri.
Nga aksidenti kishin pësuar lëndime tre persona, një nga të cilët kishte marrë lëndime të rënda.
Lajmin për “Mitropol” e konfirmoi edhe zëdhënësi i Policisë për rajonin e Mitrovicës, Avni Zahiti.
Zahiti konfirmoi raportimin se në aksident janë përfshirë tri vetura dhe si pasojë konfirmoi se tre të lënduarit ishin dërguar në emergjencën e Spitalit të Vushtrrisë.
“Mitropol” mëson se personi që kishte pësuar lëndime të rënda nga aksidenti ka ndëruar jetë pak më parë në Emergjencën e QKUK-së pasi nuk arriti t’u bënte ballë lëndimeve të pësuara.
Burime të “Mitropol” njoftojnë se i ndjeri ishte M.M nga Vushtrria.
Sipas këtyre burimeve, dy të lënduarit e tjerë nga aksidenti ndodhen në gjendje më të mirë shëndetësore./Mitropol/
