I vizituan 269 vendvotime rreth e rreth Kosovës. Por, në asnjërën prej tyre vëzhguesit e BE-së, nuk gjetën parregullsi në zgjedhjet e balotazhit të 14 shkurtit.
Ata vlerësuan se raundi i dytë i votimit në 21 komuna, shkoi mirë e pa probleme të theksuara.
Megjithatë, jo gjithçka shkoi sipas rregullave në fushatë zgjedhore. Duket se kandidatët e partive politike filluan të kërkojnë vota shumë kohë para periudhës zyrtare prej 5 ditësh.
Me theks të veçantë u përmendën kandidatët e Vetëvendosjes që sipas raportit shpesh e portretizuan veten si garantues të projekteve të financuara nga buxheti qendror.
