Vjedhje në parking të QTA, hajnat erdhën me Golf 6, vetura kishte tabela të vjedhura në Deçan

Sot është raportuar për një vjedhje që ka ndodhur dje rreth orës 15:00 në qytetin e Skenderajt.

Burime të rajonit kanë bërë me dije së hajnat kanë thyer një veturë në parking të marketit QTA që gjendet në rrugën “Sala e Hamit Jashari” dhe kanë vjedhur një çantë krahu me disa dokumente personale.

Vetura me të cilin hajnat kishin lëvizur është veturë e tipit Golf 6 dhe kishte tabela që ishin vjedhur po të njejtën ditë në Deçan.

Hetuesit policorë kanë nisur hetimet dhe janë pranë zbardhjes së rasti ndërsa vepra penale është cilësuar si “Vjedhje e rëndë”.