Vushtrri: Makina e parkuar përfshihet nga zjarri në rrethana të dyshimta teksa ndodhej në oborr

Një incident ka ndodhur në orët e para të mëngjesit të 1 janarit në qytetin e Vushtrrisë, ku një veturë e parkuar në oborr është përfshirë nga flakët në rrethana ende të paqarta, njofton “Mitropol”.

Sipas raportit policor, ngjarja është raportuar nga ankuesja, pronare e automjetit, në orën 04:15.

Zjarrfikësit kanë reaguar me shpejtësi duke arritur të shuajnë flakët dhe të parandalojnë përhapjen e zjarrit në zonën përreth. Fatmirësisht, nuk ka raportime për lëndime në njerëz, megjithatë automjeti ka pësuar dëme të konsiderueshme materiale.

Njësitet policore kanë nisur hetimet për të zbardhur shkaqet e zjarrit dhe për të përcaktuar nëse kemi të bëjmë me një aksident apo një akt të qëllimshëm. Burime zyrtare kanë theksuar se janë duke u mbledhur prova për të identifikuar ndonjë të dyshuar të mundshëm./Mitropol/