15 mijë euro i kushtoi komunës së Vushtrrisë dekorimi i sheshit, javën tjetër pritet të lëshohen dritat

Të hënën më 20 Dhjetor do të filloi vendosja e dekorimeve në sheshin “Adem Jashari” dhe lokacioneve të tjera të paraparë me kontratë.

Shuma e përgjithshme e dekorimeve këtë vit do të jetë 15,338 euro që do të ndahet kontraktorit që do të merret me dekorimin.

Kjo është bërë e ditur edhe në rubrikën e prokurimit të ueb faqes së komunës së Vushtrrisë ku është njoftuar për fituesin e tenderit, si dhe afatin për vendosjen e dekorimeve.

Edhe viteve të kaluara Vushtrria si komunë është shquar për shpenzime simbolike sa i përket dekorimit për festat e fundvitit./VushtrriaOnline