Shqiptarët në ndihmë të refugjatëve ukrainas: Na u kthyen emocionet e Kosovës gjatë 1999 (VIDEO)

Për të ndihmuar refugjatët në kufirin Poloni-Ukrainë, kanë shkuar edhe disa shqiptarë, të cilët rrëfimin e tyre e ndanë për Rubikon me Adriatik Kelmendin, i cili po përcjell nga afër situatën e krijuar pas agresionit rus.

Don Gabrieli, i cili shërben në Ulqin, ka thënë se në kufirin polako-ukrainas gjendet bashkë me vullnetarët tjerë të misionit Caritas dhe se ky rrugëtim i rikthen emocionet për kohën kur në situatë të njëjtë kishin kaluar edhe kosovarët.

Ndërkaq, Arian Nikolla, nga Kosova, është ai që po ashtu po pret refugjatët në kufirin Poloni-Ukrainë.

Për gjithë organizimin në këtë zonë, ndiqni më poshtë rrëfimin e tyre të dhënë për Adriatik Kelmendin.