Ndalohet shoferi që dyshohet se i dehur shkaktoi aksidentin e rëndë në Veri ku humbi jetën një 20-vjeçar

Një aksident i rëndë trafiku kishte ndodhur mesnatën e 24 korrikut në Uglarë të Zubin Potokut, ku si pasojë kishte humbur jetën një 20-vjeçar.

Shoferit i cili ishte në gjendje të dehur momentin që dyshohet se shkaktoi aksidentin, me urdhër të prokurorit sot i është caktuar masa e ndalimit në kohëzgjatje prej 48 orësh.

Sinjali raporton se ndaj tij nuk ishin marrë veprime ligjore deri më sot, për shkak se si pasojë e lëndimeve të marra në aksident, po trajtohej në spital.