Në pjesën veriore të Mitrovicës, pak më pak se një orë më parë ka ndodhur një incident në të cilin janë lënduar dy shqiptarë, njëri prej të cilëve gazetar, ka konfirmuar policia e Kosovës për portalin Kossev.
Njëri nga të lënduarit është transferuar në pjesën jugore të Mitrovicës për ndihmë mjekësore, ndërsa tjetri ndodhet në QKB të Mitrovicës në pjesën veriore.
Sipas dëshmisë së dëshmitarëve okularë, qytetarët kanë ndihmuar njërin prej të plagosurve derisa ka mbërritur ambulanca.
Njëkohësisht, policia bën thirrje për përmbajtje dhe kujdes në dhënien e informacioneve në mungesë të detajeve të mëtejshme të konfirmuara.
Zëvendësdrejtori i policisë për rajonin e Mitrovicës Besim Hoti, tha se kanë pranuar informacione lidhur me rastin.
“Po, e kemi pranuar si informacion. Jemi duke punuar rreth hetimit të rastit”, tha Hoti.
