Raportohet se Policia e Kosovës arrestoi një serb nga Lagjja e Boshnjakëve, dyshohet për krime lufte
Një serb nga Mitrovica Veriore me emrin Sllagjan Trajkoviq raportohet se është arrestuar dje nga Policia e Kosovës si i dyshuar për krime lufte rreth orës 17:00.
I njejti deri në doreheqjet kolektive kishte shërbyer si polic në Policinë e Kosovës dhe banonte në Lagjen e Boshnjakëve, lagje e përzier etnikisht me shqiptarë, serbë e boshnjakë, transmeton “Mitropol”.
Bashkëshortja e të arrestuarit Suzana Trajkoviq ka konfirmuar lajmin për arrestimin dhe shtoi se ai akuzohet si i dyshuar për krime lufte.
Lajmi është raportuar nga mediumi serb Kosovo Online por nuk është konfirmuar nga Policia e Kosovës ende.
