Qytetari thyen këmbën në rrugën e dëmtuar në Koshtovë të Bobit, kërkohet intervenim urgjent në atë rrugë

Një qytetar ka pësuar thyerje në këmbë muaj më parë, si pasojë e gjendjes së dëmtuar të rrugës në lagjen e familjes Hasani në fshatin Koshtovë të Bobit në Mitrovicë, shkruan Mitropol.
Banorët e kësaj zone po kërkojnë intervenim urgjent pasi rruga ka mbetur e dëmtuar që nga vërshimet e vitit 2023.
Sipas tyre, mungesa e ndërhyrjeve për rikonstruksion ka kthyer rrugën në një burim rreziku për sigurinë e qytetarëve.
Ata kërkojnë që Komuna e Mitrovicës të marrë masa të menjëhershme për rregullimin e rrugës.








