U dënua për keqpërdorim të fëmijëve në pornografi – i dyshuari në Prishtinë arrestohet

Një person është arrestuar gjatë orëve të hershme të mëngjesit në Prishtinë, pas zbatimit të një urdhërese aktive të lëshuar nga Gjykata, shkruan Mitropol.

Dyshohet se i njejti ishte në kërkim nga Policia për shkak të një urdhërese që ende ishte aktive për vuajtje të dënimit.

Ai ishte i dënuar me 2 vite e 6 muaj burgim për shkak të kryerjes së veprës penale ” Keqpërdorim i fëmijëve në pornografi”.

I njëjti është dërguar tashmë në Qendrën e Paraburgimit në Hajvali, ku pritet të zbatojë masën e burgimit të shqiptuar më herët.