Komisioni Qendror i Zgjedhjeve, ka nis procesin e numërimit të votave me postë.
Sipas KQZ-së, deri në orën 16:15, janë numëruar 28. 06 për qind e këtyre votave.
Deri më tani, Vetëvendosje po prinë si parti e parë me 66.70% ose 3.645 vota. E dyta renditet, LDK-ja me 18.79 % ose 1 mijë e 27 vota dhe AAK me 7.30 për qind ose 399 vota.
Ndërsa, partia e katërt nga ky votim me postë, PDK me 5.82 për qind ose 318 vota.
Sipas rezultateve preliminare të KQZ-së, Vetëvendosje ka kaluar mbi 320 mijë vota apo 44.42 për qind. Deri tani ka 50 ulëse në Kuvend.
Partia Demokratike e Kosovës tash ka 23 ulëse, një më pak se kur kishte në rezultatet preliminare.
Lidhja Demokratike e Kosovës vazhdon të ketë 19 ulëse, një më pak se në rezultatet preliminare, kurse Aleanca për Ardhmërinë e Kosovës (AAK) tetë ulëse.
