Idrizi ndalon përdorimin e mjeteve piroteknike, ato mund të hedhen vetëm natën e Vitit të Ri nga ora 23:00

Kryetari i Vushtrrisë, Ferit Idrizi, ka vendosur të ndalojë përdorimin e mjeteve piroteknike në qytet.

Në urdhëresën e lëshuar nga kryetari Idrizi, ndalohet ndezja e fishekzjarreve në sheshe, rrugë, zona të banuara dhe tregje.

Kjo urdhresë hynë fuqi me datën 15 dhjetor dhe vlen deri me datën 15 janar 2022.

Ky vendim parasheh edhe dënime për të gjithë ata që shkelin këtë urdhresë sipas ligjeve në fuqi.

Ndryshe, mjetet piroteknike janë të lejuara të përdoren vetëm natën e vitit të ri nga ora 23:00 deri 00:30.