Trajneri i KB Trepça, Adis Beçiragiç, është shpallur trajneri më i mirë në Bosnje në konkurrencën absolute, duke u vlerësuar si trajneri më i suksesshëm ndër të gjitha sportet.
Ky çmim i rëndësishëm konfirmon nivelin e lartë profesional dhe përkushtimin e Beçiragiçit, i cili me punën e tij të përditshme dhe qasjen profesionale ka udhëhequr ekipin drejt rezultateve pozitive dhe vazhdimësisë së suksesit.
KB Trepça ka shprehur krenarinë e madhe për këtë arritje, duke theksuar se të kesh në krye një trajner të këtij niveli është një vlerë e jashtëzakonshme për klubin dhe një motiv shtesë për synimet e ardhshme.
