Kafiteritë e Mitrovicës nuk po kanë aspak konsideratë për punëtorët e pastrimit, shkruan Mitropol.
Disa punëtorë të Kompanisë Rajonale të Mbeturinave “Uniteti” kanë shprehur indinjatën e tyre me këto biznese në adresë të “Mitropol”.
Ata po thonë se edhe pse mundohen ta mbajnë të pastërt hapësirën përballë sallës së sporteve “Minatori”, vazhdimisht hasin në qese e thasë mbeturinash jashtë kontenjerëve.
”Mandej po mushet me mij, po s’ka qare se po e lënë bërllogun jashtë. Na të shkretit veç mu myt t’u fshi”, thotë njëri nga punëtorët për “Mitropol”.
Ndryshe, nga kompania u kanë bërë thirrje bizeneseve me dhjetëra herë të mos i hedhin mbeturinat jashtë vendit të destinuar për to./Mitropol/
