Ankohet studentja mitrovicase: Për shkak të anulimit të konkursit për profesorë po duhet të zëvendesojmë orë vazhdimisht

Një studente e Universitetit “Isa Boletini”, në Mitrovicë është ankuar në lidhje me procesin mësimor në këtë universitet, shkruan Mitropol.

Ajo ka theksuar se UIBM, vazhdimisht po i anulon konkurset për angazhim të profesorëve në lëndë të caktuara, dhe nga kjo situatë po pësojnë studentët.

Studentja tha se për faj të këtij procesi, studentët po detyrohen të zëvendësojnë nga 3,4 orë në ditë, gjë që është ngarkesë e madhe psikologjike.

Tutje ajo ka shtuar se tash e dy muaj është hapur konkursi për profesorë, dhe i njejti është anuluar pas dy muajsh pa ndonjë arsye.