Lagjja “Evlia Qelebia” në Mitrovicë është shndërruar në sinonim të fjalës ‘problem’. Kjo pasi nuk kalojnë javë pa u regjistruar ndonjë incident në këtë lagje, shkruan Mitropol.
Dje aty e pësoi keq një polic, i cili ‘hëngri dajak’ e u bë për spital, pasi një qytetar të cilit ai i shqiptoi tiketë kundërvajtjeje e sulmoi dhe e rrahu dhunshëm.
“Me vendim të prokurorit i dyshuari është liruar në procedurë të rregullt.”, thuhet në raportin 24 orësh të Policisë së Kosovës.
Raporti i plotë:
Rr. Evlia Qelebiu, Mitrovicë 18.03.2022 – 11:10. Është arrestuar i dyshuari mashkull kosovar pasi që i njëjtit pas ka marrë një tikete kundërvajtje, e ka sulmuar fizikisht viktimën mashkull kosovar (zyrtar policor) i cili ka pranuar trajtim mjekësor. Me vendim të prokurorit i dyshuari është liruar në procedurë të rregullt.
