Pas raportimeve të mediave se disa studentë nga Serbia, që po marrin pjesë në Universitetin Veror të Prishtinës do ta vizitojnë ditën e sotme Prekazin, vendin ku u zhvillua një nga betejat më të lavdishme të Ushtrisë Çlirimtare të Kosovës, e ku prehen trupat e familjes dhe të komandantit legjendar Adem Jashari, kanë reaguar “Shqiponjat e Zeza”, tifozët e ekipit futbollistik “Drenica”, shkruan portali rajoni.org.
Ky grup i tifozëve sot të shoqëruar nga kreu i OVL-UÇK’së në Skenderaj kanë dalur në hyrje të rrugës qe të dërgon për Prekaz; ata aty barrikaduar për t’a bllokuar vizitën e këtyre studenteve në kompleksin memorial.
