Dënimi i Pleskoviqit, nëna e viktimave: Mi ka myt dy djem, 29 vjet i kanë pasë, pak janë 15 vjet
Sot, Gjykata Themelore në Prishtinë e ka shpallur fajtor dhe dënuar me 15 vjet burgim Millosh Pleskoviqin për krime lufte në Kosovë, shkruan Mitropol.
Pas seancës janë deklaruar nëna dhe motra e dy viktimave të Pleskoviqit.
Nëna e dy viktimave tha se ka qenë Milloshi ai që i ka vrarë dy djemtë e saj.
Ndërsa motra e viktimave tha se vendimi i gjykatës prej 15 viteve është shumë pak dhe se, Pleskoviq duhet të dënohet më shumë.
“Ai i ka ngjoftë vllaznit e mi, ai po paraqitet që s’i ka ngjoftë po qaty në mahall tonë janë kanë ata, ai është Milloshi. Pak është dënimi, shumë pak është dënimi. Ai mi ka masakruar vllaznit e mi. Pak është, shumë duhet”, është shprehur tutje ajo.
