Një aksident i rëndë i mori jetën gruas 70 vjeçare në Zhabarë të Mitrovicës, pasi u godit nga vetura.
Policia dhe Spitali kanë konfirmuar vdekjen e gruas në vendin e ngjarjes, mirëpo për të parët ka ankesa, shkruan Jepi zë.
Dëshmitari thotë se Policia është vonuar shumë derisa ka ardhur në vendin e ngjarjes.
Madje, sipas tij, Policia nuk i ka hapur telefonin për pesë herë. Vetëm në thirrjen e gjashtë, ai ka mundur ta raportojë rastin.
Sidoqoftë, Ekipi emergjent i mjekëve e kanë konstatuar se e aksidentuara vdiq në vendin e ngjarjes.
