Në kuadër të muajit të ndërgjegjësimit për kancerin e gjirit ‘Tetorit Rozë’ kandidati për kryetar të Komunës, Faton Peci, së bashku me kandidatet për Kuvendin Komunal, organizuan një aktivitet simbolik.
Pjesëmarrësit ecën së bashku dhe lëshuan në qiell balona rozë, si një mesazh shprese, guximi dhe përkushtimi ndaj kujdesit për shëndetin e gruas.
“Ky aktivitet na kujton rëndësinë e kontrollit të hershëm dhe kujdesit të përhershëm për shëndetin. Në komunën tonë, shëndeti dhe mirëqenia do të jenë prioritet,” theksoi Peci.
Ai u bëri thirrje qytetarëve që të jenë të informuar dhe të angazhuar për ndërtimin e një komuniteti më të shëndetshëm.
