Grupi i tivozëve “Torcida” bëhet me objekt të ri për fan shop-in e tyre

Grupi i tifozëve “Torcida” tashmë do të ketë një hapësirë të re për fan shop-in e tyre, shkruan Mitropol.

Lajmin e ka bërë të ditur nënkryetari dhe kandidati për kryetar të Mitrovicës, Arian Tahiri përmes një postimi publik në rrjete sociale.

Tahiri theksoi se Komuna e Mitrovicës do të vazhdojë mbështetjen e tyre për tifozërinë dhe sportin në Mitrovicë.

Postimi i plotë:

Nga sot, Fan Shop-i i tifozërisë mitrovicase ka objektin e vet. Si një nga ata që jam rritur me Torcidën, e vizitova për t’i uruar dhe për t’u pajisur me disa simbole që të jem gati për sezonin e ri.

Si Komunë kemi ndarë hapësirën që tifo-grupi i parë shqiptar ta ketë lokacionin e vet për organizim më të mirë dhe më të lehtë.

Mbështetja jonë për sportin dhe tifozërinë s’ka munguar dhe do të vazhdojë.

Urime!⚫🟢⚒️