Hoxhallarët e vjetër të Mitrovicës, mësues të gjeneratave për fe e atdhe edhe në kohën e okupimit

Kjo është një prej fotografive të rralla ku disa nga hoxhallarët e vjetër të Mitrovicës kanë pozuar në një vend, shkruan Mitropol.

Në foto shihen hoxhallarët e vjetër të Mitrovicës, Mulla Abdullah ef. Bejta nga Zhabari, mulla Bajram ef. Avdiu nga Broboniqi, mulla Milazim ef. Jashari nga Vinarci, të cilët kanë ndërruar jetë dhe mulla hafiz Junuz ef. Sahiti nga Gushavci, i cili është i gjallë dhe në moshë të shtyer.

Këta hoxhallarë përveç aktiviteve fetare kanë qenë të angazhuar edhe në aktivitete të promovimit të vlerave kombëtare, në mesin e të cilave edhe mësimdhënia e gjuhës amë shqipe në kohëra të vështira për kombin shqiptar./Mitropol/