Inspeksioni denon ETC-në me 400 euro, supën e reklamonte me çmim 34 centë por e shiste 40 centë
Drejtoria e Inspekcionit e Komunës së Skenderajt, i ka shqiptuar gjobë prej 400 euro njërës nga qendrat e mëdha tregtare në qytet, pasi është gjetur se ka abuzuar me çmimin e një artikulli ushqimor, shkruan Mitropol.
Mitropol mëson nga burimet e veta brenda Komunës së Skënderajt se qendra tregtare që u dënua ishte ETC-ja e Ramiz Kelmendit.
Sipas konstatimit zyrar të kontrollit nga ana e inspektorëve, artikulli është reklamuar me çmim prej 34 centësh, e është shitur te arka në çmim prej 40 centësh.
Qytetari që është ballafaquar me këtë rast, ka denoncuar tek organet kompetente komunale, të cilat më pas kanë dal në vendin e ngjarjes dhe e kanë konstatuar mospërputhjen e çmimit.
Më pas, inspektorët i kanë shqiptuar gjobë, dhe e kanë obliguar menaxherin e qendrës të rregullojë çështjen e çmimeve, duke harmonizuar çmimin mes arkës dhe vitrinës së artikujve.
Komuna e Skenderajt ka shprehur falënderim ndaj qytetarëve, rreth bashkëpunimit, dhe ftoi secilin të paraqes çdo rast të abuzimit si me çmime, ashtu edhe me artikuj që hasin me afat të skaduar.
