Shiu i madh që ka rënë tash e dy ditë në Mitrovicë ka shkaktuar kaos në disa fshatra, shkruan Mitropol.
Njëri nga fshatrat që është bllokuar nga të reshurat e shiut është Koshtova, ku uji i ka bllokuar disa lagje të fshatit.
Banorët theksojnë se deri te bllokimi ka ardhur për shkak të një gypi, i cili është i prishur tash e disa vite, dhe ende nuk janë marrë masat për rregullimin e tij.
Sipas banorëve, bllokimi fillon nga lagjia “Mulliri Qollakut”, vazhdon tek pika e dytë e bllokimit lagjia “Ruzhdi Jusufi”, pastaj përfundon në lagjen “Hajradini”.
Banorët shtojnë se nëse organet përgjegjëse nuk marrin masat, atëhere këto lagje rrezikohen nga përmbytja. /Mitropol/
