Ku është Bedri Hamza? – Mitrovica qyteti me më së shumti raste sociale, pa drejtor të Mirëqenies Sociale qe 5 muaj

Kryetari i Mitrovicës, Bedri Hamza ka gati pesë muaj që është zgjedhur në këtë pozitë, shkruan Mitropol.

Hamza mori detyrën e të parit të Komunës më 26 nëntor, ndërsa emëroi drejtorët e rinj të drejtorive komunale më 24 dhjetor, 1 muaj pas pranimit të detyrës.

Mirëpo, anipse sot është data 21 mars, Hamza ende nuk ka emëruar askënd në krye të njërës prej drejtorive. Bëhet fjalë për Drejtorinë për Integrime Evropiane dhe Mirëqenie Sociale e cila tash e 5 muaj ka mbetur pa udhëheqës.

Hamza në fushatën zgjedhore kishte premtuar se do fillojnë me punë qysh nga fillimi i mandatit, mirëpo duket se kjo drejtori nuk është edhe fort e rëndësishme gjatë mandatit të tij, ani pse komuna e Mitrovicës është vendi me më së shumti raste sociale në Kosovë./Mitropol/