Lajm i hidhur: Vdes këngëtari i mirënjohur mitrovicas, Luan Hajra

Këngëtari i madh mitrovicas, një nga figurat ikonike të artit, Luan Hajra, ka mbyllur sytë sot për herë të fundit, njofton Mitropol.

Ai ka qenëndër këngëtarët që e ka përjetuar një sistem shumë të kontrolluar, pa liri veprimi dhe me kufizime në përshtatje me ideologjinë. Ka qenë një kohë e tillë që programin i është dashur ta pasuroj edhe me këngë sllovene, maqedonase, boshnjake, sllave. Megjithatë, ai kishte një jetë artistike të shumtë. Si krijues ishte munduar që të bënte art, të bënte diçka që t’i pëlqente popullit gjithherë.

I ndjeri po jetonte tash e një kohë në Prishtinë, ndërsa familjarët do njoftojnë sot për ditën dhe kohën e varrimit./Mitropol/